सप्तरी:- कोरोना संक्रमणबाट सप्तरीमा थप दुईजना कोरोना संक्रमितको मृत्यु भएको छ।

गजेन्द्रनारायण सिंह अस्पताल, राजविराजमा उपचार गराइरहेका एक महिला र पुरुषको मंगलबार राती मृत्यु भएको हो।

रुपनी गाउँपालिका वडा नम्बर २ की ५५ बर्षीया महिला र सुरुंगा नगरपालिका ९ का ७५ बर्षीय पुरुषको एचडियू बेडमा उपचार भइरहेको समयमा मृत्यु भएकाे अस्पतालका सूचना अधिकारी सूर्यकान्त झाले जानकारी दिए।

कोरोना संक्रमित महिला गत जेठ ६ गतेदेखि र पुरुष ८ गतेदेखि अस्पतारमा उपचार गराइरहेका थिए।

योसँगै जिल्लामा कोरोनाको दोस्रो लहरमा कोरोना संक्रमितबाटै ५८ जनाको मृत्यु भएको छ।

Facebook Comments Box

LEAVE A REPLY

Please enter your comment!
Please enter your name here